Spertraportoj pri voĉklavar-apo FUTO Voice Input petataj

Andreas: La voĉklavar-apo FUTO Voice Input baziĝas sur la parolrekonsistemo Whisper de OpenAI. La apo kaj Whisper estas nek specife trejnitaj nek specife agordeblaj por Esperanto. Mi petas vin pri elprovado de la apo, por trovi tiun aron de agordoj, per kiu la plej bona kvalito de transskribo por Esperanto estas atingebla (eĉ se la atingebla kvalito supozeble estas tre malalta). Viajn spertraportojn bonvole sendu retpoŝte al mi (v37s70[@]gmail[.]com) aŭ afiŝu ilin, kiel komentojn, en
https://gist.github.com/AndreasKueck/70d1a4e33843289954114990e71e6ab4. En la menciita retpaĝo vi trovas pliajn informojn pri la apo.

Kunlabora tabulludo

Karaj amikoj!

Mi esperas, ke ĉi tiu mesaĝo trovas vin bone. Mi volus inviti vin malkovri miajn projektojn, “Suno de Espero, Luno de Inspiro“ (SELI) kaj “Fluo de Harmonio”, kiuj celas transdoni antikvajn saĝojn tra kreado de kunlabora tabulludo. Ĉi tiuj projektoj estas dizajnitaj por inspiri kaj kunigi homojn.

Via intereso kaj partopreno estus granda honoro por ni. Se vi havas demandojn aŭ ŝatus ekscii pli, bonvolu kontakti min.

Antaŭdankon pro via atento kaj mi esperas baldaŭ aŭdi de vi.

Kun plej bonaj salutoj,

Annick PUYGRENIER

Jen mia invitligo al mia noviga projekto “Suno de Espero, Luno de Inspiro”

https://t.me/+OocvImcoFJM3NTQy

Jen mia invitligo al mia krea projekto “Fluo de Harmonio”

https://t.me/+p_CfEvIB7iAxZDJi

STEB invitas ankaŭ kunlabori

La ekstera mondo prijuĝas la prestiĝon de Esperanto laŭ ĝia scienca kaj teknika aplikado. Por tio estas necese koni la pli frue uzitajn fakajn esprimojn kaj parolturnojn.
STEB kolektas materialon unua­vice en naturscienca tereno.

Se ankaŭ vi volas uzi Esperanton en via profesio…
www.eventoj.hu/steb/
kaj kial kluboj de Esperanto ofte formas obstaklon al profesia uzado.
www.youtube.com/watch?v=BL4miPkCUmo

Helpu disponigi pliajn instrulingvojn por esperanto12[.]net

Andreas: Per esperanto12[.]net oni povas tuj, rapide kaj efike lerni Esperanton
– per krozilo smartfona kaj komputila kaj krome sen bezono registriĝi.
Kiu povas helpi disponigi, kiel instrulingvojn, la bulgaran, estonan, finnan,
grekan, latvan, litovan, maltan kaj rumanan? Helpantoj bonvole alklaku “Kontakto“
aŭ “Aldonu lingvon” en https://esperanto12.net/

Invitu al aktivado por diskonigi Esperanton

Andreas: Lastatempe aperis en retforumoj diversaj ideoj por diskonigi Esperanton,
ekz. Esperantigi retejon de politika partio, verdigi la Snapmapon, afiŝi
ŝildon “ESPERANTO PAROLATA” kaj subteni proponojn enkonduki Esperanto-kursojn
ĉe Babbel. Mi kompilis tiajn ideojn en Github-gisto. Al ĝi vi povas aldoni
invitojn por diskonigi Esperanton, eĉ sen registriĝo ĉe Github, nome
per la retformularo menciita en listero n-ro 1 en
https://gist.github.com/AndreasKueck/2b4c50377ac94ac484705a5baecdc15e

Instruantoj serĉataj por studentoj de UEC

Saluton ĉiuj,

necesas 1 aŭ 2 instruantoj, Vacap-emuloj, por instrui distance al studentoj de UEC, la universitato Espoir, en Baraka, kaj al aliaj kongolandanoj.

Uzi Zoom aŭ spekti videaĵojn taŭgas nur por la plej riĉaj el ili, kiuj povas aĉeti datumojn por aliri al interreto.

Afrikanoj kutimas uzi Vacapon (WhatsApp).
Helpos ilin bonvola instruanto preta por rekte komuniki, skribe kaj voĉe, kaj sendi instruajn bildojn.

Kompreneble mi akompanos vin, se vi bezonas.

Ekzistas eĉ tutpretaj kursoj en .pdf, kiujn oni povas iom post iom kunhavigi al sia Vacapa klaso.

Kaj mi pretas helpi por eviti al vi premon kaj postulojn de 2 aŭ 3 konataj teduloj, kiuj eble provos entrudiĝi en vian grupon.

Kaj vi estos en teamo kun Renato Corsetti, Ahmad Mamduhi kaj Elisée Byelongo (esperantisto rektoro de UEC.)

Ĉu vi scias, ke Kinŝaso havas sesoble pli da loĝantoj ol Parizo? Vasta reviga horizonto kun svarmo da entuziasmaj junaj samideanoj!

Amike,
Fransoazo
fransoazo{ĉe}gmail.com