Karaj gesatanoj kaj geamikoj,
mi deziras organizi skipon pri Liberpensula Bulteno.
Ĉu en SAT aŭ aliloke samideanoj konsentas partopreni?
Plej amike kaj liberpense.
Sr. Dominiko Simeone
dominique.simeone{ĉe}yahoo.fr
eo.wikipedia.org/wiki/Liberpensulo_(gazeto)
Saluton!
Ĉu vi aĝas 18 jarojn aŭ pli kaj ĉu vi parolas Esperanton?
Se jes, bonvolu plenumi tre mallongan enketilon pri la uzo de Esperanto. La esplorprojekto ricevis etikan aprobon de la universitato UQO (Kanado).
La enketilo estas anonima kaj enhavas 23 demandojn. Unu sola respondo eblas por ĉiu demando. La enketilo estas en Esperanto, sed la interfaco de LimeSurvey estas en la angla. Post ĉiu respondo klaku sur NEXT kaj en la fino de la enketilo sur SUBMIT.
Mi bezonas multe da respondantoj. Se vi konas aliajn esperantoparolantojn aĝantajn de 18 jaroj aŭ pli, bonvolu sendi al ili tiun-ĉi mesaĝon.
https://questionnaires.uqo.ca/index.php/154997?lang=en
Koran dankon !
La hispana Esperanto landa asocio decidis meti pagitajn anoncojn en Facebook pri la retaj kursoj en UNED, sed ne sukcesis realigi ilin pro manko de esperantisto sperta praktike aranĝi tian anoncon.
Se iu kapablas kaj pretas helpi la hispanojn, bonvolu kontakti min per Renato{ĉe}Esperanto.org.
Stefangrotz skribis la 1-an de Novembro 2024 en diff.wikimedia.org/eo/ interesan artikolon. Se vi legis kun plezuro la artikolojn kunfarejo.org/?p=1421 kaj kunfarejo.org/?p=3550, tiam verŝajne vi interesiĝas pri la projekto, kiun instigas Stefan.
Mi proponas mian helpon (en la formo de konsiloj) rilate al aspekto kaj enhavo de retejoj, uzo de sociaj retoj kaj ĝenerala varbado por junuloj.
Mi estas junulo kaj mem aktivas en la sociaj retoj. Mi tuj povas vidi kio aspektas moderna kaj kio ne. Ne hezitu peti al mi superrigardon kaj konsilojn por antaŭenigi vian projekton, retejon, varbkampanjon aŭ asocion en la reta mondo.
Mi kontakteblas per Telegramo @Lululatortue kaj per retpoŝto.
En germanlingva retejo pri sociaj aferjoj en la erikejo de Lüneburg temas pri informŝranketo. Google tradukas la germanan tekston jene:
“La projekto “movebla Esperanto-informkabineto” celas plibonigi la kamparan regionon en Lüneburg-Erikejo donante al la loka loĝantaro kaj turistoj la ŝancon ekscii pri la Esperanto-lingvo kaj la valoroj asociitaj al ĝi. Ĝi estas parto de la klopodo pli bone konigi Esperanton en la Luneburga Erikejo, ĉar la nombro de esperantistoj en la Luneburga Erikejo estas tre malgranda, do la Esperanto-komunumo en tiu ĉi regiono havas grandan kreskan potencialon.
La kerno de la projekto estas liveri informmaterialon pri Esperanto kun la celo promocii la Esperanto-komunumon en la Luneburga Erikejo. La celgrupo estas la loka loĝantaro kaj turistoj kiuj verŝajne nuntempe havas malmulte aŭ neniun aliron al la Esperanto-lingvo.
La informkabineto estas movebla, do ĝi estas starigita je regula intervalo en alia vilaĝo ĉe la Luneburga Erikejo. Jam estis establita kontakto kun homoj el diversaj vilaĝoj en la Luneburga Erikejo, kiuj pretas meti la informkabineton sur sian privatan posedaĵon, igante ĝin facile alirebla por vizitantoj. Ĝis nun ĝi jam estis en Evendorf, Egestorf kaj Hützel. Li nuntempe trovis lokon en Soderstorf. Je ĉi tiu punkto ni ŝatus danki la homojn, kiuj ebligis al ni instali la kabineton sur sia posedaĵo. Ni konstante serĉas novajn kontaktojn por ke la ŝranko povu trovi kiel eble plej multajn parkumejojn en diversaj vilaĝoj estonte. Do se vi loĝas en la Lüneburg-Erikejo kaj povas imagi havi la Esperanto-informkabineton sur via posedaĵo dum du monatoj, bonvolu kontakti nin.”
Tiu projekto eble donu impulson evolui aliajn ol ĝis nun provitajn kampanjojn favore al Esperanto.
Karaj kaj estimataj,
mi ŝatus atentigi vin pri labor-postena oferto de la Aŭstria Nacia Biblioteko por la Kolekto por Planlingvoj kaj Esperantomuzeo.
Offene Stellen an der Österreichischen Nationalbibliothek (onb.ac.at)
Ni tre ĝojus, se vi ŝatus atentigi interesatojn pri tiu oferto.
Amikajn salutojn,
La konkurso atendas viajn novelojn kun la temo “La detalo kiu ŝanĝas ĉion” kaj invitas vin sendi ilin antaŭ la 30-a de Junio 2025. bobelarto.ink/eo/konkurso/
Andreas: La voĉklavar-apo FUTO Voice Input baziĝas sur la parolrekonsistemo Whisper de OpenAI. La apo kaj Whisper estas nek specife trejnitaj nek specife agordeblaj por Esperanto. Mi petas vin pri elprovado de la apo, por trovi tiun aron de agordoj, per kiu la plej bona kvalito de transskribo por Esperanto estas atingebla (eĉ se la atingebla kvalito supozeble estas tre malalta). Viajn spertraportojn bonvole sendu retpoŝte al mi (v37s70[@]gmail[.]com) aŭ afiŝu ilin, kiel komentojn, en
https://gist.github.com/AndreasKueck/70d1a4e33843289954114990e71e6ab4. En la menciita retpaĝo vi trovas pliajn informojn pri la apo.
